سينابون طري و هش لا يقاوم !!!
سينابون طري و هش و كتيييير طيب :
العجينة :
كوب حليب دافي
نصف كوب ماء دافي
معلقة كبيرة بيكينغ باودر
معلقة كبيرة خميرة
٢ معلقة سكر
٢ ظرف فانيليا
٢ معلقة لبن زبادي
٢ كوب طحين
منخفق كل المقادير سوا بعدين منغطين و منترك العجينة ١٠ دقايق لتتخمر بعد التخمير منكمل الخطوات :
٣ أرباع كوب زيت نباتي
رشة ملح
٢ كوب طحين
منعجن منيح كتير لتصير العجينة طرية كتير و ناعمة الملمس
بعدين منفرد العجينة على شكل مربع بالشوبك
اذا لزقت معنا ممكن نحتاج شوية زيت و طحين
مندهن سطح العجينة بالزبدة منيح ،، يعني كتروا الزبدة
بعدين منرش سكر
و قرفة
و شوية كاكاو بودرة
منلف العجينة شوي شوي
منقطعها منحط السينابون على صينية فيها ورق زبدة ،، منترك السينابون يرتاح شي ١٥ دقيقة لبين ما يحمى الفرن ،،
الفرن منحميه على درجة حرارة ٢٠٠ من الاعلى و الاسفل و منحط السينابون بالرف المتوسط ،، منترك السينابون بالضبط ٢٠ دقيقة ،، لا تكتروا عليها بالفرن لانو بتطلع كتير قاسية ،، لازم لحتى تكون من جوا هشة ،، ما نكتر عليها بالفرن ،،
وبس و صحة و هنا و استمتعوا بهالطعم الخيالي و ادعولي 
😌
😃
😍
❤️
😌😃😍❤️
تعليقات
إرسال تعليق